AFE Sareak

AFE Sareak prestaketa bereziko familia harrera espezializatua sustatzen du, haurraren ongizatean laguntzeko eta harrera familia oso baliabide baliotsu, jarraitu eta intentsibo bihurtzeko.

Next-Generation funtsekin finantzatutako programa bat da, Familia Harrera Espezializatuaren modalitatea Madrilen, Katalunian, Nafarroan eta Euskadin abian jartzeko, Gipuzkoako Foru Aldundiak 2007tik arrakastaz sustatzen duen ereduari jarraituz. Hain zuzen, FICE Spain, Agintzari eta Resilis erakundeen bidez.

Gizarteak, babes neurriei dagokienez, zaintza modu berriak behar ditu, lehendik daudenak osatuko dituztenak, eta AFE Sareek beren inguruneetan haurrak babesteaz arduratzen diren autonomia erkidego eta erakundeekin lankidetzan garatzen duten modalitate honek, batez ere, jokabide edota egokitzapen arazoak, osasun mentaleko zailtasunak eta/edo desgaitasunak dituzten neska-mutilak ditu ardatz.

AFE Sareek zailtasun bereziak dituzten eta gaur egun erakundeetan (harrera etxeak) bizi diren haurrei familia ingurunea eskaintzen diete.

Era berean, proiektuaren helburua da familia harrera espezializatuko eredu bat ezartzea, baliabide gehiago eta egokiagoak eskaini ahal izateko babesik gabeko egoera larrietan bizi izan diren haurren eta nerabeen arretari.

Bere familia ingurunean, esku hartze plan egituratua eta etengabeko arreta teknikoa garatu dezaketen harrera espezializatuko pertsonak eta/edo familiak bilatzen ditu, eta, aldi berean, edozein adingabek behar dituen oinarrizko beharrei erantzuten zaie.

Zer dio legeak?

“Familia harrera, besteak beste, espezializatua izan daiteke; hau da, familia unitatea osatzen duen pertsonaren batek edo batzuek premia edo inguruabar bereziak dituzten adingabeei dagokienez eginkizun hori betetzeko gaitasuna, esperientzia edo prestakuntza espezifikoa badu(t)enean. Eta horregatik konpentsazioa jaso daiteke”. (1/1996 Lege Organikoa, urtarrilaren 15ekoa, Adingabearen Babes Juridikoari buruzkoa, 20.1 artikulua).

Batzuetan, hainbat arrazoi direla tarteko, familiarekin bizi ezin diren haurrekin edo nerabeekin egiten dugu topo.

Eta adostasun legal eta tekniko handieneko planteamenduetako bat da familia ingurune batean hezi behar direla.

Nork garatzen du programa?

AFE Sareak, hain zuzen, Next-Generation funtsekin finantzatutako programa bat da, Familia Harrera Espezializatuaren modalitatea Madrilen, Katalunian, Nafarroan eta Euskadin abian jartzeko. Hain zuzen, FICE Spain, Agintzari eta Resilis erakundeen bidez.

Programa 2024ko abendura arte egongo da indarrean, baina aldi horren amaieran egiten ari den lekuan garatzen jarraitzeko eta beste autonomia erkidego batzuetara zabaltzeko ikuspegiarekin.

Madrilen, Katalunian, Nafarroan eta Euskadin.

Programa garatzeko, Gipuzkoako Foru Aldundiaren babesa eta laguntza dugu.