Zure bila gabiltza.
Arlo sozio-komunitarioko, gizarte-hezkuntza edo osasun arloko profesionala, eta adingabeen zaintzan esperientzia duena, haur edo nerabe baten bizitza aldatuko duen proiektu konpontzaile bat gauzatzeko.
Ez dago aurrez zehaztutako profilik harrera espezializatua egin dezaketen pertsona edo familientzat. Bakarrik edo bikotean, seme-alabekin edo horiek gabe bizi diren pertsonak izan daitezke.
Hauek dira harrera familia espezializatu gisa parte hartzeko baldintzak:
- Eskaintzen den lurraldean erroldatuta egotea.
- Harreran har ditzaketen adingabeen beharretara egokitutako etxebizitza edukitzea.
- Elkarrekin bizi diren familiako kideek harrera ekimenarekin eta familia harrera espezializatuaren ezaugarriekin ados egon beharko dute.
- Haurra edo nerabea onartu beharko dute, haren historiarekin, familia biologikoarekin eta izateko moduarekin, eta beti errazak izango ez diren arazoei aurre egin beharko dietela ulertu, jakinik gainditzeko modukoak direla.
- Haur edo nerabearen familia biologikoa errespetatu beharko dute, eta ulertu jatorrizko familiak eta bisitek neska-mutil horientzat duten garrantzia zenbaterainokoa den.
- Jarraipenean parte hartzen duten profesionalekin lankidetzan aritzearen garrantzia ulertu behar dute, Babes Plan Indibidualizatuan edo kasu planean ezarritako jarraibideei jarraituz, han baitaude finkatuta kasuaren orientabideak eta pronostikoa.
Aldi berean:
- Hartutako haurraren edo nerabearen arreta bermatzeko prestasun osoa eduki beharko dute.
- Programa honetan sartzeko ezarritako lan, teknika eta ekonomia baldintza guztiak onartu beharko dituzte.
- Beste profesional batzuekin taldean lan egiteko eta prozesu osoan zehar formazio eta aholkularitza profesionala jasotzeko gai izan behar dute, edozein unetan ager daitezkeen zailtasunak gainditzen joateko.
- Lantaldearen asteko bileretan parte hartuko dute.
- Lurralde bakoitzean definitzen diren funtzio teknikoak egin beharko dituzte. Oro har, gaitasuna izan behar dute neska-mutilekin esku hartze plan egituratua gauzatzeko, haien bilakaera eta beharrak ebaluatzeko, mutilarekin edo neskarekin esku hartzen duten baliabideekin koordinatzeko eta harrera espezializatuko programako profesionalekin batera jarraipena egiten laguntzeko.
Zer eskatzen du Harrera Familia Espezializatu gisa lan egiteak?
Hartutako haurraren edo nerabearen arreta bermatzeko prestasun osoa izatea.
Beste profesional batzuekin taldean lan egiteko gai izatea.
Prozesuan zehar formazio eta aholkularitza profesionala jasotzea, sor daitezkeen zailtasunak gainditzeko.
Harrera talde espezializatuaren asteroko bileretan parte hartzea.
Funtzio hauek betetzea:
- Hezkuntza plan indibidualizatua gauzatzea, eta horren ebaluazioa egitea harreran hartutako mutilarekin edo neskarekin.
- Jatorrizko familiarekin komunikazio egituratua eta aldizkakoa izatea.
- Kasuan esku hartzen duten baliabideekin koordinatzea.
- Babes Plan Indibidualizatuarekin (Kasu plana) eta kasuaren jarraipen globala egiten duten profesionalen taldearekin etengabeko lankidetza izatea.
- Mutilaren edo neskaren bilakaerari buruzko txostenak egitea.
Eta hori guztia familia ingurunea eskaintzeko eta adingabearekin esku hartze eta arreta plan indibidualizatua garatzeko.
Harrera espezializatuko familiak zer laguntza izango ditu?
Parte hartzen duen autonomia erkidego edo probintzia bakoitzak bere berezitasunak izan baditzake ere, guztiek bi laguntza mota eskaintzen dituzte harrera osoan:
Parte hartzen duten familia guztiek izango dute laguntza ekonomikoa. Era askotako laguntzak daude:
- Mutilaren edo neskaren mantenu gastuak estaltzeko konpentsazio ekonomikoa.
- Kasuari heltzeko prestakuntzaren eta esperientziaren arloko baldintzak betetzen dituen pertsonak bere gain hartzen dituen funtzioen ondoriozko kostuak estaliko dituen ordainsaria, besteak beste:
- Hezkuntza plan indibidualizatua eta horren ebaluazioa harrerako mutilarekin edo neskarekin.
- Mutilaren edo neskaren jatorrizko familiarekin komunikazio egituratua eta aldizkakoa izatea.
- Kasuan esku hartzen duten baliabideekin koordinatzea.
- Babes Plan Indibidualizatuarekin (Kasu plana) eta kasuaren jarraipen globala egiten duten profesionalekin etengabeko lankidetza.
- Mutilaren edo neskaren bilakaerari buruzko txostenak egitea.
- Astean behin bileretara joatea, etengabeko prestakuntza eskaintzeko eta esku hartzeko tresna berriak egituratzeko.
Familia espezializatu guztiek programako talde tekniko baten etengabeko laguntza izango dute harrera osoan zehar, adingabeentzat, harrera familia espezializatuentzat eta jatorrizko familientzat.
Laguntza teknikoak familien arteko bitartekaritza ahalbidetzen du, alde guztien arteko lankidetza sustatzen du eta modua jartzen du haurrei azalpenak eman diezazkieten, harreraren zergatia, bizitza historia eta sentimenduak eta bizipenak adierazteko.
Eta harrera-familia espezializatua nola izan jakin nahi baduzu
Bete inprimaki hau, eta zurekin harremanetan jarriko gara.
"*" indicates required fields
info@redesAFE.com helbidera ere idatz diezagukezu
Edo, nahiago baduzu, bidali WhatsApp bat zure datuekin, eta zurekin harremanetan jarriko gara